Jafnréttisstofa tók saman tölfræði yfir fyrirtæki landsins í lok 2022 og birti fjölda þeirra sem hafa lokið jafnlaunavottun eða jafnlaunastaðfestingu.

Alls hafa 443 fyrirtæki og stofnanir af 1094 hlotið jafnlaunavottun. Eftir standa því 651 fyrirtæki og stofnun. Rétt er að taka fram að þar af eru 593 aðilar með nýútrunninn frest.

-Jafnréttisstofa

Ljóst er að mikið verk er fyrir höndum með allan þann fjölda sem á eftir að fara í gegnum ferlið. Flest þeirra sem eftir standa hafa möguleikann á jafnlaunastaðfestingu sem er mun fljótlegra ferli en vottun.

Ávinningur þess að fara í gegnum innleiðingu er aukin yfirsýn og skilningur á launauppbyggingu vinnustaðarins og þó innleiðing virðist flókin þegar hafist er handa eru viðskiptavinir okkar sammála um það að jafnlaunakerfi einfaldi ákvarðanatöku um laun og launaþróun.