Um okkur

UM OKKUR

Ráður sérhæfir sig í ráðgjöf og fræðslu í tengslum við stjórnunarkerfi og stefnumótun. Helstu verkefni sem við tökum að okkur er að leiða fyrirtæki og stofnanir í gegnum innleiðingu á jafnlaunastaðli og uppfylla skilyrði jafnlaunavottunar. Stefna Ráðar er styðja við skipulagsheildir sem hyggjast vera leiðandi í jafnréttismálum og taka þátt í þróun á lausnum sem tryggja skilvirka starfrækslu jafnlaunakerfa til frambúðar. Einnig tökum við að okkur að sinna mannauðsmálum fyrirtækja og stofnana frá a-ö, tímabundið eða til frambúðar, og veita stjórnendum faglegan stuðning í málaflokknum.

TEYMIÐ

Anna Beta Gísladóttir

Framkvæmdastjóri og eigandi

Anna Beta er með BS í umhverfis- og byggingarverkfræði og MS í byggingarverkfræði frá Háskóla Íslands. Hún starfaði við gagnagreiningu og ráðgjöf á meðan námi stóð og hlaut nemendaverðlaun Steinsteypufélags Íslands fyrir lokaverkefni í mastersnámi. Hún starfaði áður við verkfræðilega ráðgjöf og hefur sinnt margvíslegum verkefnum á sviði greininga og gagnaúrvinnslu með áherslu á burðarþolsfræði. Anna Beta hefur lokið námskeiði á vegum velferðarráðuneytisins um úttektir jafnlaunakerfa.

Falasteen Abu Libdeh

Stjórnarmaður og eigandi

Falasteen er með BS gráðu í viðskiptafræði frá Háskólanum á Bifröst og MPM gráðu í verkefnastjórnun frá Háskólanum í Reykjavík. Falasteen starfaði hjá Eimskip þar sem hún innleiddi og hannaði jafnlaunakerfi, þróaði samhliða launagreiningarkerfi sem gefur mynd af stöðu kjaramála á hraðan og skýran hátt. Einnig stýrði hún stefnumótun og hafði umsjón með ESG (Enviromental social governance) skýrslum. Áður starfaði hún hjá Hagstofu Íslands og sjá meðal annars um innleiðingu fyrirtækja og stofnana í launarannsókn Hagstofunnar.

Freyja Barkardóttir

Sérfræðingur í jafnréttismálum

Freyja er með BS í viðskiptafræði frá Copenhagen Business School í Kaupmannahöfn, MA í kynjafræði frá Central European University í Búdapest og viðbótardiplómu í hagnýtri jafnréttisfræði frá Háskóla Íslands. Hún vann við innleiðingu á kynjaðri fjárhags- og starfsáætlun hjá Reykjavíkurborg og og vann þar sérstaklega að verkefnastýringu jafnréttismats þvert á öll svið borgarinnar. Freyja situr í stjórn félagsins Femínísk Fjármál sem vinnur að því að efla þekkingu á samspilinu milli kynjajafnréttis og fjármála.

Gyða Björg Sigurðardóttir

Stjórnarformaður og eigandi

Gyða Björg er með BS í rekstrarverkfræði frá Háskólanum í Reykjavík. Hún byrjaði að kynna sér jafnlaunastaðalinn þegar hann var lagður fram sem frumvarp að staðli árið 2012, aðstoðaði fyrirtæki við uppsetningu á jafnlaunakerfi fyrir jafnlaunavottun VR árið 2013 og fékk Tækniþróunarsjóðsstyrkt til að þróa launagreiningahugbúnað árið 2014. Í dag situr Gyða í stjórn Staðlaráðs og faghópi um jafnlaunastjórnun hjá Stjórnvísi og kennir námskeið um launagreiningar hjá Endurmenntun Háskóla Íslands.

VIÐSKIPTAVINIR OG FYRRI VERKEFNI

"HEKLA fékk Ráð til þess að vera í leiðandi hlutverki í innleiðingu jafnlaunakerfis og undirbúa fyrirtækið undir jafnlaunavottun. Ráðgjafar hafa yfirgripsmikla þekkingu á kröfum sem vottunaraðilar gera og hvernig eigi að mæta þeim. Starfsfólkið var ávallt til staðar utan funda og yfirfærði þekkingu sína til okkar. Mikil hagræðing fólst í því að fá sérfræðinga í þetta verkefni þar sem það krefst þekkingar á staðli, lögum og reikniaðferðum sem hefði tekið fyrirtækið annars töluvert lengri tíma og meiri fjárútlát. Ég get hiklaust mælt með fyrirtækinu og myndi nýta þjónustu þess aftur."

"Þegar hafist er handa við að innleiða jafnlaunakerfi vakna fjölmargar spurningar og verkefnið er yfirþyrmarndi í fyrstu. Það skipti okkur hjá Höldi gríðarlega miklu máli að hafa stuðning frá Ráði en Anna Beta og Gyða búa yfir mikill þekkingu á málefninu og eru sérlega lausnamiðaðar í sinni vinnu. Á vinnustofu með stjórnendum komu þær inn með mikilvæga fræðslu til þeirra stjórnenda sem komu að hönnun jafnlaunakerfis Hölds. Þær höfðu svör og lausnir við öllum spurningum sem fram komu. Vinnustofan skapaði nauðsynlega þekkingu hjá stjórnendnum innan fyrirtæksins og þar var lagður grunnur að skilgreiningum á jafnlaunaviðmiðum fyrirtækisins. Þær voru sérstaklega lunkar við að draga fram nauðsynlegar upplýsingar til skapa jafnlaunakerfi sem hentaði okkar fyrirtæki."

Samstarfið við Ráður var frábært í alla staði, þekking þeirra á viðfangsefninu var til fyrirmyndar, mjög hröð og fagleg vinnubrögð, góð samvinna og eftirfylgni.

Ráður voru einstaklega skipulagðir og skilvirkir í okkar samskiptum, með mikla þekkingu á jafnlaunamálum. Mættu okkar þörfum 100%. Gríðarlegur tímasparnaður fyrir okkur að fá svona skilvirka og góða þjónustu frá Ráður en við völdum þau til að fara í Jafnlaunavottun með okkur sem var mjög lærdómsríkt fyrir okkur til að halda svo þeirri vinnu áfram komandi ár. Ráður fær 100% mín bestu meðmæli.

Við innleiðingu á jafnlaunakerfi fyrirtæksins leituðum við til Ráðar og höfum verið einstaklega ánægð með persónulega og faglega þjónustu. Verkferlar og gögn sem við höfum fengið hafa hjálpað okkur mikið til að skilja jafnlaunakerfið og einfaldað innleiðingu hjá okkur. Við höfum sparað dýrmætan tíma með því að nýta faglega þekkingu starfsfólks Ráðar.