Verkefni FAL byggist á að lána ráðgjafa til fyrirtækja til að fara yfir fræðslu og þjálfunarmál. Byggt er á þeirri vinnu sem nú þegar á sér stað innan vinnustaða og skerpt enn frekar á þjálfunaráætlunum eða þær settar upp frá grunni, eftir því sem við á.

Fyrirtæki geta fengið FAL sér að kostnaðarlausu ef:

• Starfsmenntariðgjöld starfsmanna (a.m.k. að hluta) renna í starfsmenntunarsjóði sem standa að Áttinni
• Skýr stefna og stuðningur stjórnenda sé við verkefnið

“Fræðslumál hafa verið stór hluti af starfsemi Ráðar hingað til og er mjög spennandi að geta lagt fram okkar krafta til að auka gæði þjálfunar og fræðslu innan fyrirtækja og tryggja að áætlanir séu raunhæfar og í takti við innri og ytri kröfur. Þarna munu okkar tól við greiningar og verkefnastýringu nýtast til að aðstoða fyrirtæki sem vilja taka þessi mál föstum tökum við að raungera sína framtíðarsýn í fræðslumálum”

– Anna Beta Gísladóttir, verkefnastjóri FAL hjá Ráði

Lesa má nánar um verkefni FAL í greinasafni Ráðar.